စစ်တပ်၏ အာဏာသိမ်းရန်ကြိုးပမ်းခြင်း၊ ဘာ၀ဘေးနှင့် အဆိုးသံသရာများကြားမှ အမျိုးသမီးများ၏ အခြေအနေ

တရားမဝင် အကြမ်းဖက် စစ်အုပ်စုသည် ၂၀၂၁ အာဏာသိမ်းရန် ကြိုးပမ်းချိန်မှစ လူသားမျိုးနွယ်များအပေါ် အမျိုးမျိုးသော လူ့အခွင့်အရေး ချိုးဖောက်မှုများကို အစဉ်တစိုက် ပြုလုပ်နေသည်မှာ ၅ နှစ်ပြည့်တော့မည် ဖြစ်သည်။

၎င်းကာလများတွင် စစ်တပ်​၏ အကြမ်းဖက်မှုများ၊ လူ့အခွင့်အရေး ချိုးဖောက်မှုများသာမက သဘာဝဘေး အန္တရာယ်ကျရောက်မှုများတွင် အမျိုးသမီးများပေါ် သက်ရောက်မှုများစွာရှိကြောင်းကိုလည်း လေ့လာတွေ့ရှိရပါသည်။

မြန်မာ့အမျိုးသမီး သမဂ္ဂ​၏ လုပ်ငန်းစဉ် တစ်ခုဖြစ်သော အမျိုးသမီး မှတ်တမ်းနှင့် သုတေသန လုပ်ငန်းစဉ်မှ စစ်တပ်၏ အာဏာသိမ်းရန်ကြိုးပမ်းခြင်း၊ သဘာ၀ဘေးနှင့် အဆိုးသံသရာများကြားမှ အမျိုးသမီးများ၏ အခြေအနေကို လေ့လာ သုံးသပ်ထားပါသည်။